جريدة صيدونيانيوز.نت / خليل المتبولي : تشويش رقم 10 – الحدث

جريدة صيدونيانيوز.نت / اخبار مدينة صيدا / خليل المتبولي : تشويش رقم 10 – الحدث

بقلم : خليل إبراهيم المتبولي

*  سلامات ريس .. شو الحدث اليوم ؟

-  أنت شو بتقوول ؟

*  أنا بقول أنّو الحدث هوي الحدث

 -  فإذًا حدّثنا عن الحدث .

*  في الحدث جنون الرئاسة ، والخوف من الآخر ...

 -  أف أف أف شو هالخبرية ؟

*  إيه والله زي ما عم خبرك

-  معقول ؟!؟

*  بالحدث كل شي معقول ، وما في حدا مسؤول

- شو صاير خير ؟

* عم بصير في مزرعة للحقد والكراهية والتعصّب ..

- كيف يعني ؟

* يعني في حدا بلش يكره حدا .

- طيب وليش ؟

* هلأ ليش ؟ ما بعرف بس بلكي بدهم يرَجْعُوا التوزيع الديمغرافي الطائفي  يللي كان مطروح خلال الحرب الأهلية اللبنانية .

- شو يعني كونفدراليات !؟

* كل شي وارد بهالأيام ، وخصوصًا أنّو النزعة الكيدية والمذهبية عم تزيد وعم وتكبر .

- هيدا حدث خطير ورهيب .

* مش قلتلك أنّو الحدث هوي الحدث .

- لأ ، أنت الصادق الحدث هيي الحدث .

* طيب وين الحكي عن التعايش ، والعيش المشترك .

- هيدا بس حكي بالظاهر ، بس بالباطن في ضغينة وتفرقة .

* إذا هيك يعني رايحين عالخراب .

-  إيه ، الله يستر !