جريدة صيدونيانيوز.نت / خليل المتبولي : تشويش " ولادة سباعيّة "

Sidonianews.net

------------------

بقلم : خليل ابراهيم المتبولي

-           سلامات ... مبارك

•           يا هلا ، الله يبارك فيك يا مذوق

-           شو ان شاءالله ما تعذّبِت ، وكانت هيني ولادتها ؟

•           مبلى والله كنّا على أعصابنا ، مع أنّو من جوا نحنا مرتاحين ، بس يللي صار ، ناس مع ونا ضد ...

-           كيف يعني ؟ ما فهمت عليك 

•           بعني ناس بدهم يولدوها بالسابع وناس لأ ...

-           إيه وشو صار ؟ إنتَ القرار عندك مفروض

•           قرار ؟! إيه معك حق انا مسيطر على الكل ، هزّيتلن العصاي شوي

-           طيب عال يعني خلّوك تاخد القرار

•           إي بنسبة 65 % كانت محسومة

-           منيح ، يعني رضيوا

•           إي رضيوا

-           كيف رضيوا بالتزكية ؟

•           شو خص يرضوا بالتزكية ؟ في ولادة حبيبي ، شو ألها علاقة

-           قصدي متل كل شي ، بصير بالتزكية

•           دخيلك أنا ، ودخل فلسفتك

-           المهم هلأ طمّني ، على شو اتفقوا ؟ ونسيلي موضوع التزكية

•           اتفقوا يولدوها من السابع ، بس عندها مشكلة ، في عملية بعد الولادة

-           إي شو يعني ، شي خطير ؟

•           هلأ هوي مش خطير ، بس ممكن تنصاب بالعقم

-           لا حول ولا قوة إلا بالله ، خيرًا ان شاء لله

•           المهم ولدت بالسابع وكلّو منيح ...

-----------------------

جريدة صيدونيانيوز.نت / اخبار مدينة صيدا / 

-           والولد منيح ؟

•           إي منيح ، وبصحة جيدة رغم أنّو سباعي

-           عال ، هيدا المطلوب ، كتّر خير الله

•           قلّك شي كمان ، أنّو ولد معو مجموعة بهالمستشفى كمان بالسابع

-           والله ؟ يعني عم بصير تغيير بقصة الولادات

•           لَك ، ولا تغيير ولا شي ، لولاد ولاد ، بالسابع أو بغيروا

-           شوقولك ، معك حق ، يلا مبارك عن جديد

•           حبيب قلبي ، الله يبارك فيك ، مشكور

    ( وراحا يغنيان سويًا " حلاقاتك برجالاتك حلقة دهب فى وداناتك ويارب ياربنا ... )

-------------------

جريدة صيدونيانيوز.نت / اخبار مدينة صيدا / خليل المتبولي : تشويش " ولادة سباعيّة "