جريدة صيدونيانيوز.نت / سلفي والشارع نظيف خلفي: جاركم عبدالكريم علماوي يطلق حملة نظافة غير شكل بصيدا وكل المناطق الأحد 29 -6-2025 : كل واحد ينظف حد بنايته وشارعه ويبعت سلفي

Sidonianews.net

-----------

جريدة صيدونيانيوز.نت 

يطلق السيد عبدالكريم علماوي حملة نظافة داعيا المواطنين للمشاركة فيها بكثافة وإلتقاط صورة سلفي والشارع خلفي نظيف .

التفاصيل 
نهار الأحد ٢٩-٦-٢٠٢٥، من الساعة ٩ للـ١٢ الصبح، عاملين حملة نظافة بكل محبة وبساطة!
الفكرة؟
كل واحد بينزل من بيته أو من محله، وبينظّف حوالين المبنى الي هو فيه.
كيس فاضي بإيدك… وإرادتك هي الباقي  
تخيّلوا لو من كل بناية نزل كم شخص بس؟
منكون عملنا فرق كبير، وخلّينا شوارعنا أنضف، وكمان علّمنا بعضنا من دون ما ننّصح أو نلوم…
يلي بينزل وبينظّف، أكيد رح يصير عنده حسّ مسؤوليّة، وما رح يقبل يرجع يشوف شارعي موّسخ.. هيك بدون أي تعقيد!
 وكرمال نخليها حملة بتحكي،
بس تخلّص… خود سيلفي من قلب الشارع، وشاركنا فيه مع هاشتاغ
#نضّفت_الشارع_خلفي
وكلنا ننشر سعادتنا على صفحتنا وصفحتك كمان 
 يلي حابب يكون جزء من هالنهار الحلو، ناطرينكم والي بده يشارك عن طريق مؤسسته او محله يبعتلي اللوغو، ويتواصل معي بأقرب وقت  
خلّونا نعلّي الصوت بالنظافة، مش بالحكي 
جاركم
عبدالكريم محمود علماوي

-----------

سلفي والشارع نظيف خلفي: جاركم عبدالكريم علماوي يطلق حملة نظافة غير شكل بصيدا وكل المناطق  الأحد 29 -6-2025 : كل واحد ينظف حد بنايته وشارعه ويبعت سلفي