الرئيسية / أخبار صيدا /أخبار صيداوية /خليل المتبولي : شو بدَّك أعمل ؟

جريدة صيدونيانيوز.نت / خليل المتبولي : شو بدَّك أعمل ؟

 

جريدة صيدونيانيوز.نت / اخبار مدينة صيدا / خليل المتبولي : شو بدَّك أعمل ؟

 

 

بقلم : خليل إبراهيم المتبولي

شو بدَّك أعمل ؟

قللّي تأعمل

قللّي شو بدَّك أعمل ؟

تأعمل

حاكم بأمرك

وضاغط بزندك

وبدّك شعبك

كلّو بأمرك

قللّي شو بدَّك ؟

لا كهربا ولا مَيْ

ولا قعدة تحت الفَيْ

والعِيشة مالازم تنطلب

لا من بَي ولا من خَيْ

وبهالوطن صرنا

عم نشحد نقطة المي

وبتقللّي أنّو أعمل

ولَك شو بدّك أعمل ؟

الدولار ارتفع

الليرة ماعاد ألها نَفَع

البلد بلعوه بلع

والشعب فقع من القهر

والجوع والوجع

وبتقللّي أنّو أعمل

ولَك شو بدّك أعمل ؟

صرخة وصرخنا

وضميرُن ما حرّكنا

عم يلعبوا بمصايرنا

وعم يضحكوا ع وجعنا

ولَك آخ منهن آخ

ضاع البلد وضعنا

وبتقللّي أنّو أعمل

ولَك شو بدّك أعمل ؟

بلد ما بقى في شي

وما بيسوا ولا شي

لا أرزي ولاعنزي

بتسوا قهر إبني 

الأفضل نتركو ونفل

وندير ضهرنا ونمشي

وبتقللّي أنّو أعمل

ولَك شو بدّك أعمل ؟

2020-07-02

دلالات:



الوادي الأخضر