جريدة صيدونيانيوز.نت / خليل المتبولي : تشويش ( رقم 2 )
جريدة صيدونيانيوز.نت / اخبار مدينة صيدا / خليل المتبولي : تشويش ( رقم 2 )
بقلم : خليل إبراهيم المتبولي
شو صاير معك ؟
* شو ؟
- شو ، شو ؟ قالولي والعة معك
* إيه والله للمكسيموم
- خير قلبك مولّع من الحب ؟
* حب شو ؟ ضرّاب السخن ، كلّو ولعان
- كلّو ولعان ؟
* إيه جبل النفايات ولعان ،والبلد كلّو ولعان
- !!!!!!!!!!!!!
***************************
- روح من وجّي
• لوين بدّي روح ؟
- روح حِل ...
• طوّل بالك ، حِل عن شو ؟
- ولا عن شي ، قصدي روح حل ...
• أيوا
- روح حِل المسألة العالقة بينك وبين البلدية
• شو خصّك أنت بهالموضوع ، ليك ما تعصّبني ، روح حِل عن ...
- روووووق ، السما رايقة ، فخليك رايق
• أنا رايق ، بس بين حِل عن ، وحِل كذا ، حلّيتلي مفاصلة
- حِل ( إنزل أو أقم ) هاليومين عندي شو رأيك ؟
• ( يعصّب ويكزّ على أسنانه ) !!!!!!